DOLE: repasuhin ang mahigit 42K work permit na inisyu sa mga manggagawa ng POGO
Hinimok ng Senado ang Department of Labor Employment (DOLE) na suriin ang 42,409 alien employment permits (AEPs) na inisyu sa mga dayuhang nagtatrabaho sa Philippine Offshore Gaming Operators (POGO) companies.
Ang panawagan ay ginawa sa deliberasyon ng plenaryo ng Senado sa panukalang 2024 budget ng DOLE matapos tanungin ni Senate Majority Leader Joel Villanueva kung lehitimo ang mga nakumpiskang AEP sa kamakailang ni-raid na POGO hub sa Pasay City.
Ayon kay Senate President Pro Tempore Loren Legarda, na dumepensa sa budget ng ahensya, 42,409 sa 60,541 AEPs ang inisyu sa mga dayuhang manggagawa na nagtatrabaho para sa mga “legal” na POGO.
“Naririnig ko ang sinasabi mo. Dapat nilang tingnan ang lahat ng inisyu na AEP na 42,000 at inaangkin nila na ito ay legal, [at] tingnan ang mga ilegal na pasilidad na ito, upang maging mahigpit, at ang posibleng pagbawi,” sabi ni Legarda.
Sinabi ni Legarda na dapat bawiin ng DOLE ang mga work permit ng mga dayuhang manggagawa kung mapapatunayang nagtatrabaho sila sa mga ilegal na POGO.
“Hinihiling ko sa DOLE na i-review ang 42K plus na inisyu…walang na-revoke, sabi ko,” pahayaga nito. .
Sa plenaryo, ibinunyag ni Legarda na ang mga dayuhan ay kailangan lamang magbayad ng tig-P12,000 para sa kanilang AEP application.
“Kaya pala (that’s the reason why POGOs are) a haven for all those who want to do illegal things. Grabe ito” expressed Legarda.
Ipinunto ni Senate President Juan Miguel Zubiri ang pangangailangan ng DOLE na magkaroon ng mahigpit na monitoring sa mga dayuhang manggagawa na nabigyan ng AEP katulad ng ginagawa ng ibang bansa.
“Parang tayo dito pag binigyan ng alien permit, (let the) good times roll. Maaari silang magtrabaho kahit saan,” sabi niya.
Hiniling din ni Legarda sa DOLE na magsumite ng listahan ng lahat ng inisyu na AEP, kabilang ang mga detalye ng pag-iisyu nito at mga sponsor ng mga dayuhan, gayundin ang listahan ng mga binawi na permit.
“Hinihiling namin sa Bureau of Local Employment (BLE) na tingnan ang lahat ng 42,000 plus AEP na ito… Pakisuyong suriin at bisitahin muli ang higit sa 42,000 na inaangkin mong legal at lehitimo,” sabi niya.
