Revilla, Nebrija nagkaalitan dahil sa paglabag umano sa EDSA bus lane
Nahuli umano ang convoy ni Senator Bong Revilla na gumagamit ng EDSA Busway noong Miyerkules, ngunit sinabi ng Senador na ito ay “false information.”
Ayon sa ulat sinabi ni Nebrija na pinahinto ang sasakyan ni Revilla dahil sa paggamit ng EDSA northbound busway sa Mandaluyong. Gayunman, nagpasya ang mga opisyal ng MMDA na idaan ang convoy dahil nasa loob umano ng sasakyan ang senador.
Gayunman, tiyak na itinanggi ni Revilla na nangyari ang naturang insidente.
“Walang ganap na katotohanan sa malisyosong ulat na nahuli ako gamit ang EDSA carousel busway,” sabi ni Revilla sa isang pahayag.
“My daily commute is from south to the Senate at walang posibilidad na makapunta ako sa EDSA sa Mandaluyong. Kapag dumadalo sa mga opisyal na gawain sa hilaga, tinatahak ko ang skyway mula at pabalik sa timog, “dagdag niya.
Kung may katotohanan ang ulat ni Nebrija, sinabi ni Revilla na dapat ay nag-isyu sila ng tiket para sa paglabag sa mga patakaran sa trapiko.
Samantala sinabi ngayon ni Revilla na gusto niyang mabawi ang pag-apruba ng 2024 budget ng MMDA dahil sa insidente, ayon sa panayam ng media
“Masakit na bigla lang ma-isyuhan ng ganito na hindi totoo kaya dapat magpaliwanag si Nebrija. Pinapa-recall ko ang budget ng MMDA, bumalik sila sa Senado at magpaliwanag,” ani Revilla.
“Hindi ko ina-accept [ang paumanhin ni Nebrija]… I want to see that enforcer and Nebrija in the Senate…Unfair yan, kabastusan yan,” pahayag nito.
